Пасля разгрому Тэўтонскага ордэна ў Грунвальдскай бітве для Вялікага князя Літоўскага Вітаўта было неабходна пазбавіцца Крэўскай уніі, бо менавіта дзякуючы гэтаму дакументу многія палякі лічылі ВКЛ правінцыяй Польскага каралеўства. Але паколькі Польшчы патрэбен быў моцны саюзнік, ім прыйшлося пацвердзіць саюз з ВКЛ. 2 кастрычніка 1413 года ў замку Горадля, які размяшчаўся каля ракі заходні Буг, была заключана новая унія.
Гарадзельская унія была юрыдычна пацверджана ў трох прывілеях. Па першым прывілеі 47 польскіх феадалаў прымалі ў гербавае брацтва 47 літоўскіх феадалаў-каталікоў і надзялялі іх сваімі гербамі. У другой прывілеі да Гарадзельскай уніі было дададзена 45 пячатак літоўскіх-каталікоў феадалаў, яны прымалі герба польскіх феадалаў, абяцалі быць з імі ў вечным саюзе і сяброўстве. Таксама літоўскія феадалы абавязаліся ў выпадкі смерці Вялікага князя Літоўскага Вітаўта не выбіраць сабе новага вялікага князя без парады і згоды польскіх феадалаў. Польскія феадалы, у сваю чаргу, таксама абавязаліся ў выпадку смерці польскага караля Ягайлы не выбіраць сабе новага караля без парады і згоды літоўскіх феадалаў. У трэцім прывелі Вялікі князь літоўскі Вітаў і кароль Польскі Ягайла абяцалі: прызначаць на дзяржаўныя пасады каталікоў-феадалаў, якія прынялі ўдзел у перадачы і прыёме гербаў, дазвалялі ім карыстацца свабодна маёмасцю ў сваіх уладаннях, тым самым павышаючы грамадзянскі статус да князёў; будаваць касцёлы, даваць ім ільготы і аказваць іншую дапамогу. У гэтым жа прывелей аб'яўлялася аб аб'яднанні ВКЛ і Польшчы, аднак гарантавалася адасобленасць і нязменнасць улады Вялікага князя Літоўскага, тым самым захоўвалася незалежнасць ВКЛ.
Пасля падпісання уніі ў княстве пачаліся адміністрацыйныя рэформы. Па польскім прыкладзе літоўская тэрыторыя была падзелена на Віленскае і Трокскае ваяводствы, там уводзіліся новыя пасады ваяводы, намесніка ваяводы і кашталяна, займаныя выключна каталікамі. У астатніх землях ВКЛ кіравалі вялікакняскія намеснікі, якія кіравалі на падставе статутных грамат, якія дэкларавалі: даўніны не разбураць і новага не ўводзіць. Адбыліся таксама змены ў іерархічнай сістэме. Старыя княжыя роды былі адціснуты на другі план магнатамі і шляхтай, на якіх стаў абапірацца Вітаў пасля падпісання уніі. Нягледзячы на тое, што некаторыя Гедэмінавічы захавалі свае ўдзельныя княствы, яны ўжо не ўплывалі на палітычнае жыццё ў ВКЛ як раней.
Вынікі падпісання Гардзельскай уніі былі неадназначныя. З аднаго боку, ВКЛ набыла саюзніка для адбіцця агрэсіі суседзяў, пазбавілася старой Крэўскай уніі і пацвердзіла сваю незалежнасць ад Польшчы. З іншага боку, Літва была падзелена па рэлігійным прынцыпе, дзе каталікам адводзілася галоўная роля, а правы праваслаўных займаць дзяржаўныя пасады і ўплываць на палітыку княства абмяжоўваліся.
