Галоўная
Вітаўт нарадзіўся ў 1350 годзе ў Троках, у сям'і князя Кейстута і былой паганскай жрыцы Біруты. З самага ранняга дзяцінства айцец Вітаўта, пачаў выхоўваць яго як ваяра, а адным з настаўнікаў у яго быў, былы рыцар Тэўтонскага ордэна Гано фон Віндэйгейм, які навучыў юнага князя нямецкай мове, валодаць зброяй і паказаў ваенныя прыёмы крыжакоў. Вітаў з 13-ці гадоў пачаў удзельнічаць у ваенных паходах бацькі, а неўзабаве, Кейстут дазволіў яму дзейнічаць самастойна, у сваім першым баявым паходзе, Вітаўт захапіў і разарыў Прускі замак Еўстэрбарг.
Старэйшы сын Альгерда ад першай жонкі Марыі Віцебскай, Вігунд, нарадзіўся ў 1325 годзе. Свой першы горад на княжанне, ён атрымаў ад бацькі. У 1342 годзе Пскоў, шукаючы абарону ад свайго моцнага ворага, Лівонскага ордэна, уступіў пад заступніцтва Альгерда. Альгерд пасадзіў у Пскове свайго старэйшага сына Вігунда, які потым хрысціўся ў Пскове і атрымаў імя Андрэй. Аднак Андрэй Альгердавіч вярнуўся ў Літву, атрымаўшы ад бацькі Полацак, а ў Пскове пакінуў свайго намесніка.
У якім годзе нарадзіўся Міндоўг, першы вялікі князь Літоўскі, дакладна не вядома. Прыблізна, гэта было паміж 12 -13 стагоддзем. Паходзіў ён з багатага балцкага роду, і пра ягонага бацькі маецца вельмі мала звестак, вядома, што ён быў вельмі багатым і ўплывовым чалавекам і часам, каб задобрыць Міндоўга, яму казалі, што ягоны бацька быў магутным уладаром і не меў сабе роўных у Літве.
